‘O Keakealani noho iā Kāneikauaiwilani
Hānau ‘ia ‘o Kalanikauleleāiwi he wahine
‘O Kalanikauleleāiwi noho iā Keawe‘īkekahiali‘iokamoku
Hānau ‘ia ‘o Ke‘eaumokunui he kāne
‘O Ke‘eaumokunui noho iā Kamāka‘imoku
Hānau ‘ia ‘o Keōuakupuapāikalaninui he kāne
‘O Keōuakupuapāikalaninui noho iā Keku‘iapoiwa
Hānau ‘ia ‘o Pai‘ea Kamehameha he kāne
‘O Kamehameha noho iā Kānekapolei
Hānau ‘ia ‘o Ka‘ōleiokū he kāne
‘O Ka‘ōleiokū noho iā Luahine
Hānau ‘ia ‘o Lora Kōnia he wahine
‘O Lora Kōnia noho iā Abner Pākī
Hānau ‘ia ‘o Bernice Pauahi Pākī he wahine
Ke kamāli‘iwahine o Hawai‘i nei
E ola, e ola
A kau i ka hano ka inoa o Ke Ali‘i Bernice Pauahi Pākī
He aloha ē, He aloha ē, ʻeō mai ē
He Oli Mo‘okū‘auhau no Ke Ali‘i Bernice Pauahi Pākī