ʻO Keakealani, noho iā Kāneikauaiwilani,
Hānau ʻia ʻo Kalanikauleleāiwi, he wahine
ʻO Kalanikauleleāiwi, noho iā Keaweʻīkekahialiʻiokamoku,
Hānau ʻia ʻo Keʻeaumokunui, he kāne
ʻO Keʻeaumokunui, noho iā Kamākaʻimoku,
Hānau ʻia ʻo Keōuakupuapāikalaninui, he kāne
ʻO Keōuakupuapāikalaninui, noho iā Kekuʻiapoiwa,
Hānau ʻia ʻo Paiʻea Kamehameha, he kāne
ʻO Kamehameha, noho iā Kānekapolei,
Hānau ʻia ʻo Kaʻōleiokū, he kāne
ʻO Kaʻōleiokū, noho iā Luahine,
Hānau ʻia ʻo Laura Konia, he wahine
ʻO Laura Konia, noho iā Abner Pākī,
Hānau ʻia ʻo Bernice Pauahi Pākī, he wahine,
Ke kamāliʻiwahine o Hawaiʻi nei
E ola! E ola!
A kau i ka hano ka inoa o Ke Aliʻi Bernice Pauahi Pākī
He aloha ē. He aloha ē. Eō mai ē
He oli moʻokūʻauhau no Ke Aliʻi Bernice Pauahi Pākī