Ke Kālele Kūlana (Situation Emphatic)
October 15th, 2013 by kaaarona
Nā Nīnau:
- (Aia) I hea?/Ma hea?
- No ke aha (mai)?
- I ka wā/manawa hea?
- I ka hola ʻehia?
- Pehea?
- Iā wai?
- Me wai?
- Āhea ana?
- Ināhea?
- I ka mea hea?
E heluhelu i kēia paukū:
I ka makahiki 1884, ua hele aku ʻo Pauahi i Kapalakiko. Hele a maʻi ʻo ia i ka maʻi ʻaʻai a makemake ʻo ia e kipa aku i kekahi kauka kaulana i Kaleponi. Hele aku ʻo ia me kona hoapili. Hele lāua ma ka moku a hōʻea aku i laila i ka mahina ʻo Pepeluali. Akā, ʻaʻole i hiki i ke kauka ke kōkua aku iā ia. Hoʻi mai ʻo Pauahi i Hawaiʻi nei i ka mahina ʻo Malaki a hala aku ʻo ia ma Honolulu i ka mahina ʻo ʻOkakopa. Hō ka minamina!
E unuhi mua, a laila, e pane ma ka ʻōlelo Hawaiʻi:
- I hea i hele aku ai ʻo Pauahi?
- Ināhea ʻo ia i hele aku ai?
- Pehea ʻo ia i hele aku ai?
- Me wai ʻo ia i hele aku ai?
- Iā wai ʻo ia i kipa aku ai?
- Ināhea ʻo ia i hoʻi mai ai?
- Ma hea i make ai ko kākou aliʻi wahine?
- I ka mahina hea ʻo ia i haʻalele ai i ke ala hoʻi ʻole?
Posted in Makahiki ʻEkolu, Papa ʻŌlelo Hawaiʻi | No Comments »