Welina mai me ke aloha iā kākou

Aloha mai kākou, e ka mea heluhelu ‘ōlelo makuahine, ke kilohana o ka ‘āina, ‘ano’ai me ke aloha o Iesu Kristo.  Mai ka pi’i a ka lā i Ha’eha’e a i ka moe ‘ana o ka lā i ka welo o Lehua, he leo welina mai kēia me ke aloha iā kākou a pau.  E nā kūpuna, nā mākua a me nā kamali’i nō ho’i, ua hiki mai i ka makahiki kula hou a ke hala koke nei ka nānea a me ka le’ale’a o ke kauwela.  ’O ka mea nani o kēia makahiki 2011-12 ‘o ia ho’i kēia – ua piha ho’okahi haneli ‘iwakāluakūmālima makahiki i Ke Kula ‘o Kamehameha.  ’Oiai ma Ka’iwi’ula i ho’okumu ‘ia ai Ke Kula ‘o Kamehameha mua loa ma ka makahiki ‘umikūmāwalu kanawalukūmāhiku,  ’o Kapālama uka kahi e kū nei ka piko o Ke Kula ‘o Kamehameha i kēia mau lā.  A laila, ma ka makahiki 1996 wehe ‘ia ‘elua hou kahua kula ‘o Kamehameha – kekahi ma Pukalani, Māui  a kekahi ma Keaukaha, Hawai’i.  I kēia lā, ‘o Kea’au kahi e kū nei Ke Kula ‘o Kamehameha ma Hawai’i.  Ma ka makahiki 2001 i ho’omaka ai Ke Kula Waena ma Kea’au.  I ia makahiki a’e ua ho’omaka Ke Kula Ha’aha’a ma Kea’au.

No laila, ke aloha nō iā ‘oukou a pau ma kēia makahiki kula hou a ke waiho pū nei wau me ‘oukou ke aloha o Ke Akua Manaloa.

Aloha nui,

Kumu M. Kaho’okele Crabbe

Greetings to all who speak ‘ōlelo Hawai’i, the prized language of the land, greetings with the love of Iesu Kristo.  From the rising of the sun at Ha’eha’e to its’ beautiful setting at Lehua, this is a greeting of love and compassion to everyone, greetings!  Once again to our elders, our parents and our younger ones, a new school year has arrived and the fun and laughter of summer is slowly slipping away.  One beautiful thought about this new year is that it is the 125th anniversary of the Kamehameha Schools.  It is somewhat known that the original school was founded at Ka’iwiula in 1887, and the present site of the school is at Kapālama, the central point of the school these days.   Then, in 1996, two new Kamehameha Schools campuses opened, one at Pukalani, Māui and the other at Keaukaha, Hawai’i.  Today, Kea’au is where the Hawai’i is located.  In 2001, the Middle School at the KS – Kea’au campus opened.  The following year, the Elememtary Campus opened.

Once again, much greetings and love to all of you this new school year and may the love of our Heavenly Father remain with each of  you.

Much love,

Kumu M. Kaho’okele Crabbe